جس  کے پاس  ساڑھے سات تولہ سونا ،ساڑھے باون تولہ چاندی یا  اس کی قیمت کےبرابر نقد رقم یا سامان تجارت موجود ہو  اور اس   پر سال گزر جائے تو ایسے مال پرزکوۃ لازم ہوگی۔

صورت مسئولہ  کے مطابق جس کی   ملکیت میں پانچ  لاکھ روپے  ہوں اگر وہ پہلے سے صاحب نصاب نہ ہوبلکہ اس رقم کے ملکیت  میں آنے سے صاحب نصاب بنا ہو تو اس رقم پر  جب  قمری سال گزر جائے  تو  زکوۃ واجب ہوگی   اور  اگر پہلے سے صاحب نصاب ہو تو صاحب  بننے کی تاریخ پر جب قمری سال گزر جائے تو دیگر اموال زکوۃ کے ساتھ ساتھ ان پانچ لاکھ روپوں اور ان کے منافع میں بھی زکوۃ ادا کرے گا،نیز اگر  کاروبار میں لگایا ہو  تو سال کےآخر میں  اصل سرمایہ  اور باقی ماندہ منافع ملا کر چالیس واں حصہ  یعنی ڈھائی فیصد زکوۃ ادا کی جائے  گی۔

(وسببه) أي ‌سبب ‌افتراضها (ملك نصاب حولي) نسبة للحول لحولانه عليه (تام) بالرفع صفة ملك.(ردالمحتار علی الدر المختار،كتاب الزكوة،ج:2،ص:262)

‌وشرط ‌وجوب ‌أدائها حولان الحول على النصاب الأصلي وأما المستفاد في أثناء الحول فيضم إلى مجانسه ويزكي بتمام الحول الأصلي سواء استفيد بتجارة أو ميراث أو غيره.(مراقي الفلاح،كتاب الزكوة،ص:251)

وإن كان ماله أكثر من دينه زكى الفاضل إذا بلغ نصابا.(الهداية،كتاب الزكوة،ج:1،ص:202)