‌شریعت  مطہرہ  کی روسے جمعہ کی ادائیگی کی صحت کے لیے فقہاے کرام نے جو شرائط ذکر کی ہیں ،ان شرائط میں ایسی کوئی  شرط نہیں  کہ خطبہ پڑھنے والا  ہی نماز پڑھائے گا،بلکہ خطبہ پڑھنے والا  اگر امامت کے لیے دوسرے شخص  کو نامزد کر دے تو اس میں کوئی مضائقہ نہیں ،البتہ بہتر یہ ہے کہ جو شخص خطبہ پڑھے ، نماز بھی وہی پڑھائے۔

لہذا صورت مسئولہ کے مطابق  اگر ایک امام خطبہ دے  اور دوسرا امام نماز پڑھائے تو اس میں  کوئی  شرعی قباحت نہیں ۔لیکن مستحب یہ ہے کہ  جو شخص خطبہ پڑھے ،نماز بھی وہی پڑھائے۔

(لا ينبغي أن يصلي غير الخطيب) ؛ لأن الجمعة مع الخطبة كشيء واحد فلا ينبغي أن يقيمها اثنان، وإن فعل جاز.(دررالحكام شرح غررالأحكام،باب الصلاة العيدين،ج:1،ص:141)

وقد ‌علم ‌من تفاريعهم أنه لا يشترط في الإمام أن يكون هو الخطيب، وقد صرح في الخلاصة بأنه لو خطب صبي بإذن السلطان وصلى الجمعة رجل بالغ يجوز.(البحر الرائق، باب الصلاة الجمعة، شروط صحة الجمعة،ج:2،ص:159)