شرعی نقطہ نظر سے مدرسہ کی رقم مہتمم کے لیے امانت کے حکم میں ہے، اس لیے مہتمم کے لیے  مدرسہ کی رقم مدرسہ کی ضروریات اور اس کے مصالح میں خرچ کرنا لازم ہے، اور مدرسہ کے مصالح کے علاوہ میں خرچ  کرنا خیانت ہے۔

صورت مسئولہ کے مطابق اگرچہ مہتمم کا ذاتی گھر نہ ہو، لیکن پھر بھی اس  کے لیے مدرسہ کی رقم سے اپنے لیے ذاتی گھر بنانا جائز نہیں۔ تاہم اگر مدرسہ کی رقم سے  مہتمم یا مدرس  کی رہائش کے لیے گھر تعمیر کیا جائے، جبکہ مدرسہ اور طلبا کا مفاد بھی اس میں ہو، تو مہتمم کے لیے اس میں رہائش رکھنے  کی گنجائش ہے،لیکن ایسی صورت میں وہ گھر مدرسہ کی ملکیت ہوگا، مہتمم یا مدرس کو صرف رہائش کا اختیار ہوگا۔

الوكيل ‌أمين على المال الذي في يده كالمستودع.(درر الحكام في شرح مجلة الاحكام، ج:3، ص:561)

وليس ‌للمودع حق التصرف والاسترباح في الوديعة.(المبسوط للسرخسي، ج:11، ص:122)

 (قوله: ‌ثم ‌ما ‌هو ‌أقرب ‌لعمارته إلخ) أي فإن انتهت عمارته  من الغلة شيء يبدأ بما هو أقرب للعمارة  ۔ ۔ ۔ ثم ما هو أقرب إلى العمارة، وأعم للمصلحة كالإمام للمسجد، والمدرس للمدرسة يصرف إليهم إلى قدر كفايتهم، ثم السراج والبساط كذلك إلى آخر المصالح.(ردالمحتار على الدر المختار،كتاب الوقف،ج:4،ص:368)