واضح رہے کہ کوئی شخص دوسرے  شخص سے کوئی چیز منگواتا ہو تو اس شخص کی حیثیت وکیل کی ہوتی ہے۔اگروکیل ومؤکل کی باہمی رضامندی سے اجرت طے کی گئی ہو یا وکیل ایسا ہو کہ اجرت کے عوض کام کرنا اس کا معمول ہو ،تو اس کے لیے اجرت کا مطالبہ کرنا  درست ہے،لیکن اگر  وکیل نےعقد وکالت  کے وقت اجرت  کی شرط نہیں لگائی اور نہ  ہی اجرت پر کام کرنا  اس کا معمول ہو تو ایسی صورت میں اس کا کام کرنا تبرع شمار ہو گا ، لہذا اس پر اجرت کا مطالبہ نہیں کرسکتا۔  

صورت مسئولہ کے مطابق اگر وکیل ایسا ہو کہ لوگوں کے لیے اجرت کے عوض کام کرنا اس کا معمول ہو ،تو ایسی صورت میں اس کے لیے خریداری کے بعد  بقیہ رقم سے عرف کے مطابق اجرت وصول کرنا جائز ہےاور اگر اجرت پر کام کرنا اس کا معمول نہ ہو تومذکورہ معاملات طے کرنا اس کی طرف سے تبرع شمار ہو گا، چنانچہ اس  کے لیے مؤکل کی اجازت کے بغیر بقیہ رقم میں سے اپنے لیے کچھ رقم رکھنا جائز نہیں ہوگا،  بلکہ بقیہ پوری رقم واپس کرے گا۔

"(إذا شرطت الأجرة في الوكالة وأوفاها الوكيل استحق الأجرة، وإن لم تشترط ولم يكن الوكيل ممن يخدم بالأجرة كان متبرعا. فليس له أن یطالب بالأجرة) يستحق في  الإجارة الصحيحة الأجرة المسمى وفي الفاسدة أجر المثل …..لكن إذا لم يشترط في الوكالة أجرة ولم يكن الوكيل ممن يخدم بالأجرة كان متبرعا، وليس له أن يطلب أجرة. أما إذا كان ممن يخدم بالأجرة يأخذ أجر المثل ولو لم تشترط له أجرة"۔(درر الحکام في شرح مجلةالأحكام، الباب الثالث، الفصل الأول أحکام الوکالة، المادة:1468، إذا شرطت الأجرة في الوكالة، وأوفها الوكيل، ج: 3، ص: 583)