طلاق کے بعد دورانِ عدت مطلقہ بیوی پر سابق شوہر کی خدمت کرنا لازم نہیں ،البتہ عدت کے دوران بیوی کا نان و نفقہ اور رہائش کا بندوبست شوہر پر لازم ہے۔

صورت مسؤلہ کے مطابق مطلقہ بیوی پر دوران عدت اپنے سابق  شوہر کی  خدمت لازم نہیں اورجہاں تک بچوں کی پرورش اور خدمت کا تعلق ہے تو شریعت نے چھوٹے بچوں کی پرورش کا حق ماں کو دیا ہے، لہذا طلاق کے بعد بھی ماں لڑکے کو سات برس کی عمر تک اور لڑکی کو نو برس کی عمر تک اپنے پاس رکھ سکتی ہے،البتہ اگر اس نے کسی ایسے شخص سے دوسری شادی کرلی جو بچوں کے لیے نامحرم ہوتو پھر اس کا یہ حق ساقط ہو جائے گا۔

المعتدة عن الطلاق تستحق النفقة والسكنى كان الطلاق رجعيا أو بائنا، أو ثلاثا، حاملا كانت المرأة، أو لم تكن.(الفتاوى الهندية، الباب السابع عشر فى النفقات،وفيه ستة فصول، الفصل الثالث في  نفقة المعتدة، ج:1، ص:557)

 (والحاضنة) أما، أو غيرها (أحق به) أي بالغلام حتى يستغني عن النساء، وقدر بسبع، وبه يفتى؛ لأنه الغالب...(والأم والجدة) لأم، أو لأب (أحق بها) بالصغيرة (حتى تحيض) أي تبلغ في ظاهر الرواية... (وغيرهما أحق بها حتى تشتهي) وقدر بتسع، وبه يفتى.(رد المحتار على الدر المختار، كتاب الطلاق، باب الحضانة، ج:3، ص:566)