واضح رہے کہ نماز جنازہ میں  چاروں تکبیریں  رکن کی حیثیت  رکھتی ہیں ،ہر تکبیر رکعت کے قائم مقام ہے  لہذا جس طرح   نماز  کوئی ایک رکعت چھوڑنے سے  فاسد ہو جاتی ہے ، اسی طرح  نماز جنازہ  بھی کوئی ایک  تکبیر چھوڑنے سے  فاسد ہو جائے گی ۔ تاہم   اگر امام نے  تیسری تکبیر کے بعد  بھول کر سلام پھیرا تو امام کو چاہیے کہ سلام کے بعد چوتھی تکبیر کہہ کر دوبارہ  سلام پھیرے  اور پھر نماز جنازہ کے اعادہ کی ضرورت نہیں  ۔

صورت مسئولہ کے مطابق  چونکہ امام نے   تیسری تکبیر کے بعد سلام پھیرلیا  اور اس کے  بعد چوتھی  تکبیر  کہہ  کر سلام پھیر لیا، اس لیے  دوبارہ  نماز جنازہ  پڑھنے کی ضرورت نہیں ۔

‌

ولأن ‌كل ‌تكبيرة ‌من ‌هذه ‌الصلاة قائمة مقام ركعة، بدليل أنه لو ترك تكبيرة منها تفسد صلاته.(بدائع الصنائع، كتاب الصلاة، فصل في كيفية الصلاة على الجنازة،ج:2 ،ص:344)

وصلاة ‌الجنازة ‌أربع ‌تكبيرات ولو ترك واحدة منها لم تجز صلاته... ‌ولو ‌سلم ‌الإمام ‌بعد ‌الثالثة ناسيا كبر الرابعة ويسلم، كذا في التتارخانية.(الفتاوى الهندية، الباب الحادي والعشرون في الجنائز..، الفصل الخامس في الصلاة على الميت، ج:1،ص:164،165)