جس شخص کی ملکیت میں رہائش سے زائد مکان وغیرہ ہو، لیکن وہ اس نے کرایہ پردیا ہواوراپنی ضروریات میں خرچ کرتا ہو تو یہ بھی ضروریات ِاصلیہ میں شمار ہوگا۔ جبکہ ہرانسان کی ضروریات اور حاجات عموماً دوسرے سے مختلف ہوتی ہیں، اورراجح قول کے مطابق ضروریات کو پورا کرنے کے لیے اشیاء کو جائز طریقے سے اپنی ملکیت میں رکھنےکی کوئی خاص تعداد شریعت کی طرف سے مقرر نہیں ہے، بلکہ جو چیزیں  انسان کے استعمال میں ہوں اور انسان کو اس کے استعمال کی حاجت پیش آتی ہو اوروہ تجارت کے لیے نہ ہوں تو ضرورت اور حاجت کے سامان میں داخل  شمار ہوں گے۔

 صورت مسئولہ کے مطابق سائل کی بیان کردہ تفصیل سے معلوم  ہوتا ہے کہ اس کی ملکیت میں تینوں گھرحوائج اصلیہ میں داخل ہیں۔ اس لئے اِنہیں نصاب میں شمار نہیں  کیا جائے گا۔

ولو كانت له دور وحوانيت للغلة وهي لا تكفي عياله فهو من الفقراء على قول محمد خلافا لأبي يوسف. ( مجمع الانهار، كتاب الزكاة، باب الصدقة الفطر، ج:1،ص:227)

و لو كان عليه دين بحيث لو صرف فيه نقص نصابه لاتجب. ( الفتاوی الهندية، الباب الاول:في تفسيرها...ومن لا تجب،ج:5،ص:337)