واضح رہے کہ میراث کے احکام  مرنے کے بعد جاری ہوتے ہیں ، لہذا کسی  شخص کے وارث بننے کے لیے ضروری ہے کہ مورث کے مرنے کے وقت وہ زندہ ہو چنانچہ اگر کوئی   شخص باپ کی  زندگی میں مرجائے   تو اس کا میراث میں حصہ نہیں بنتا ۔

صورت مسئولہ کے مطابق اگر کوئی  شخص اپنے والدسے  پہلے مرجائے چاہے وہ دس منٹ پہلے ہو یا اس سے بھی کم وقت پہلے ،تواس کاوالد کے میراث میں حصہ نہیں بنتا لہذا  اس   کے بیٹوں کے لیے اپنے دادا کے میراث میں اپنے باپ کے حصے کا مطالبہ کرنا درست نہیں۔

وشروطه: ثلاثة: موت مورث حقيقة، أو حكما كمفقود، أو تقديرا كجنين فيه غرة ووجود وارثه ‌عند ‌موته ‌حيا حقيقة أو تقديرا كالحمل. ( رد المحتار على الدر المختار، كتاب الفرائض ج:10،ص:491)

التركة في الاصطلاح ما تركه الميت من الأموال صافيا عن تعلق حق الغير بعين من الأموال.( رد المحتار على الدر المختار، كتاب الفرائض ج:10،ص:528)