واضح رہے کہ ایک شخص کے سرمایہ اور دوسرے کی محنت سے چلنے والا کاروبار عقد مضاربت کہلاتا ہے۔ مضاربت میں نفع کی تقسیم مضارب (کام کرنے والا ) اور رب المال (سرمایہ کا مالک) کے مابین کسی خاص تناسب سے طے كرنا  ضروری ہے،چنانچہ اگر مضاربت میں فیصد یا تناسب کے لحاظ سے نفع طے  کرنے کے بجائے کسی ایک کے لیے معین مقدار میں مقرر ہو تو اس رقم سے عقد مضاربت فاسد ہو جاتی ہے ۔

صورت مسئولہ میں چونکہ منافع میں سرمایہ کے مالک  کےلیے 15ہزار روپے مقرر کیےگئے ہیں جو متعین مقدار ہے، لہذا یہ عقد جائز نہیں،چنانچہ اس کو ختم کیا جائے۔

قال: "ومن شرطھا أن يكون الربح بينهما مشاعا لا يستحق أحدهما دراهم مسماة من الربح لأن شرط ذلك يقطع الشركة بينهما". (الهداية، كتاب المضاربة، ج:3، ص:263)