واضح رہےکہ جس طرح شوہر پر بیوی کا نفقہ لازم ہے اسی طرح اپنے بچوں کا نفقہ بھی لازم ہے، تاہم اولاد کے نفقہ میں برابری لازم نہیں ،بلکہ ان کی ضروریات کو مدنظر رکھتے ہوئے  ان پر خرچہ کیا جاسکتا ہے۔

صورت مسئولہ میں چوں کہ شوہر پر بیوی کا الگ نفقہ لازم ہوتاہے اور اولاد کا الگ، اس لیےبیویوں  کے نفقہ میں توبرابری کرنا  ضروری ہے البتہ اولاد کی ضروریات اور تعداد وغیرہ  کو مد نظر رکھتےہوئےان کے لیے نفقہ مقرر کرنے میں کمی بیشی کی گنجائش ہے، لہذاجس بیوی کی اولاد زیادہ ہو تو اولاد کی تعداد  کے حساب سے ان کو زیادہ خرچہ دینے میں کوئی حرج نہیں۔

نفقة الأولاد الصغار على الأب لا يشاركه فيها أحد.(الفتاوی الهندية، كتاب الطلاق، الباب سابع عشر في النفقات ج1:،ص:560)

وفي الخانية لا بأس بتفضيل بعض الأولاد في المحبة لأنها عمل القلب، وكذا في العطايا إن لم يقصد به الإضرار.(رد المحتار علی الدر المختار، كتاب الهبة، ج: 6،ص:696)