جب بائع اور مشتری مجلس عقد میں کسی قیمت پر اتفاق کر کے بیع منعقد کر لیں تو بیع تام ہوجاتی ہے، اور مشتری حسب معاہدہ طے شدہ رقم ادا کرنے کا پابند ہوتا ہے،پھر اگر معاملہ ادھار ہو تو مشتری چاہے وقت مقررہ سے پہلےرقم ادا کرے یا کسی عذر کی بناپر وقت مقررہ کے بعد ،بہر صورت وہی رقم ادا کرے گا جو بوقت عقد طے ہوئی تھی، بائع کے لیےمقررہ قیمت سے زیادہ رقم لینا جائز نہیں۔اسی طرح کسی دوسرے کی مملوکہ چیز میں اس کی رضامندی کے بغیر تصرف کرناجائز نہیں ۔

صورت مسؤلہ کے مطابق جب باہم رضامندی سےپلاٹ کی قیمت طےہوکرخریدار اُسےخرید لے تو وہ اس پلاٹ کا مالک بن جاتا ہےاس لیے فروخت کنندہ قیمت میں زیادتی کا مطالبہ نہیں  کرسکتا، یہ سود کے حکم میں داخل ہے،نیزخریدارکی اجازت کے بغیراس پلاٹ کو فروخت بھی نہیں کیا جاسکتا۔

"ويجوز البيع بثمن حال و مؤجل إن كان الأجل معلوما. ( الهداية، كتاب البيوع، باب كيفية انعقادالبيع، ج:3، ص:21)

"وفي الاشباه: ‌كل قرض ‌جر نفعا حرام. ( ردالمحتار على الدرالمختار ، مطلب كل قرض جر نفعا حرام، ج:5، ص:166)

"لایجوز لأحد أن یتصرف في ملك غیره بلا إذنه أو وکالة منه أو ولایة علیه، وإن فعل کان ضامنًا." (شرح المجلة،سليم رستم باز، ج:1، ص:61، مادة: 96)