سوال

ہمارا گاؤں تِلی سیداں واقع ضلع تورغر مشکوٹ کا کنڈ مختلف محلہ جات پر مشتمل ہے۔اس گاؤں کی  ٹوٹل آبادی 350 گھرانو پر مشتمل ہے، جو کہ بشمول خواتین اور بچوں کے تقریباً  2800 افراد بنتے ہیں۔ہر محلے کا اپنا الگ نام اور الگ مسجد ہے مگر عرف میں تمام ایک ہی گاؤں تلی سیداں کہلاتا ہے۔  مختلف محلہ جات  علیحدہ علیحدہ ناموں سے ہیں مگر ان سب  پرتلی سیداں کا اطلاق ہوتا ہے ۔شادی بیاہ اور خیرات کی دعوت گھر گھر جا کر نہیں دی جاتی بلکہ اسی گاؤں کی مرکزی مسجد میں نصب لاوڈ اسپیکر پر اعلان کیا جاتا ہے ۔ اس لحاظ سے پورا علاقہ ایک ہی شمار ہوتا ہے ۔ علاقے کی مرکزی جامع مسجد میں بیک وقت علاقے کے تمام لوگ ( نمازی ) اگر آجائیں تو اس مسجد میں نہیں آسکتے کیونکہ جگہ کم پڑجاتی ہے ۔اس گاؤں کی واحد سڑک جو کہ اس علاقے کو اُوگی بازا ر ضلع مانسہرہ سے ملاتی ہے، وہ اوگی سے تلی پولیس چوکی تک  پختہ ہے اور چوکی سے تلی سیداں کی آبادی تک چار کلومیٹر روڈ پختہ ہے جب کہ دو کلومیٹر روڈ جو  کہ  آبادی کے اندر ہے وہ بھی پختہ ہے،علاقے کے اکثر راستے بھی سیمنٹ کے ہیں۔پہاڑ کی چوٹی پر پولیس چوکی موجود ہے جس کا عملہ دن یا رات کسی بھی معاملے  میں علاقے کے اندر مداخلت  کرسکتا ہے ۔روزانہ صبح (سوائے جمعہ    کے) علاقے کی 4،3 جیپیں اوگی بازار جاتی ہیں جو کہ تقریباً 35 کلومیٹر فاصلے پر ہے اور شام کو سودا سلف  لاتی ہیں۔ اگر صبح ہی جیپیں چلی جائیں تو پھر ضرورت کے وقت گاؤں میں موجود 1، 2 گاڑیوں کو بک کرنا پڑتا ہے یا پھر اوگی بازار سے منگوانی پڑتی ہے ۔

اس گاؤں میں فی الحال بجلی ، بینک ، پوسٹ آفس ، تھانہ ، قصاب کی دوکان ، پیٹرول پمپ ، ویلڈنگ ورکس ،ٹائر پنکچر شاپ ، فوٹوسٹیٹ ، سیمنٹ کی دوکان ، ایمبولینس ، MBBS ڈاکٹر ، کچہری عدالت ، لیڈی ڈاکٹر ، پٹواری نظام (فی الحال نافذ العمل نہیں) مسافر خانہ اور ہوٹل کی سہولت میسر نہیں ہے ۔ اگر باہر سے کوئی مسافر آجائے تو وہ کسی حجرے یا مسجد میں رات گزارے گا ۔ نیز دودھ دہی کی دوکان بھی نہیں ہے۔ بیکری بھی موجود نہیں ہے ،البتہ بیکری کے بعض آئٹم مثلاً بسکٹ ، نمکو ، ملک پیک ڈبوں کی صورت میں اکثر اوقات کریانہ کی دوکان سے مل جاتی ہے۔ اس گاؤں میں چار میڈیکل اسٹور 3 حجام کی دکانیں ، 2 کپڑوں کی دکانیں ، 2 درزی کی دوکانیں ، ایک آٹا چکی، ایک موچی کی دوکان ،ایک لوہار کی دوکان ایک بڑھئی کی دوکان اور 5 عدد کریانہ کی دوکانیں یعنی ٹوٹل 20 دکانیں ہیں۔ جس سے اکثر اوقات آٹا ،دالیں  ،ڈالڈا ،کوکنگ آئل، بچوں کے کھانے   پینے کی چیزیں ،ٹافیاں وغیرہ ،کولڈ ڈرنکس ،اسٹیشنری کا سامان ، کیلیں، تالے قبضے وغیرہ،سبزی ،انڈے ،مرغی زندہ مل جاتی ہے،بڑا گوشت نہیں ملتا۔  موبائل نیٹ اور ایزی پیسہ وغیرہ کی سہولت موجود ہے ۔ اس کے علاوہ بچے اور بچیوں کے لیے 05 عدد پرائمری سکول ایک گرلز مڈل سکول اور ایک بوائز ہائی سکول موجود ہے نیز سرکاری ڈسپنسری اور ویلیج   کونسل آفس بھی اسی گاؤں کے مرکز میں موجود ہے۔

مندرجہ بالا تفصیلات اور حقائق کی روشنی میں کیا  گاؤں تلی سیداں ضلع تور غر میں جمعہ کی نماز قائم کرنا شرعی طور پر جائز ہے یا نہیں؟

یہ سوال اتفاق رائے سے تحریر کیا گیا ہے، قرآن و سنت و فقہ حنفی کی روشنی میں ہماری رہنمائی  فرمائیں۔

جواب

---

---