واضح رہے کہ زندگی میں اولاد میں تقسیم کی جانے والی جائیداد ہبہ ہے، وراثت نہیں  اور اولاد کو ہبہ کرنے کے متعلق حکم یہ ہے کہ تمام اولاد(بیٹے اور بیٹیوں ) میں برابری کی جائے،  ضرر  پہنچانے کی نیت سے ایک کو کم اور دوسرے  کو زائد نہ دیا جائے،البتہ کسی معقول وجہ کی بنا پر  ترجیحی سلوک کی گنجائش ہے، مثلا : کوئی بچہ معذور ہو ، یا زیادہ محتا ج ہو، یا زیادہ تابع داراور خدمت گزار ہو، یا زیادہ دین دار ہو ؛ تو ایسی صورت میں ترجیحی سلوک کی گنجائش ہے ۔

 صورت مسئولہ کے مطابق والدحالتِ حیات میں اپنے کسی ایک وارث کو ساری جائیداد ہبہ کرے تو نافذہے لیکن اس سے وہ گناہ گار ہوگا ۔

"وفي الخانية: لا بأس بتفضيل بعض الأولاد في المحبة، لأنها عمل القلب، وکذا فی العطايا إن لم يقصد به الإضرار، وإن قصد فسوی بينهم يعطي الإبن کالبنت عند الثانی وعليه الفتویٰ ولو وهب في صحته كل المال للولد جاز وأثم.." (رد المحتار على الدر المختار، کتاب الهبة،ج:5،ص:696)