شریعت مطہرہ کی رو سے دودھ پینے  والے بچے کے لیے دودھ پلانے والی عورت اور اس کے اصول و فروع سے نکاح جائز نہیں ،لیکن یہ حرمت صرف اس دودھ پینے والے بچے کے  ساتھ خاص ہے ۔

صورت مسؤلہ کے مطابق  ذیشان کی نسبی بہن سدرہ  نے جب تسلیم بی بی کا دودھ پیا ہے تو اس پر تسلیم بی بی کے اصول و فروع حرام ہیں ، البتہ اس کے بھائیوں پر حرام نہیں ،اس لیے ذیشان کا نکاح تسلیم بی بی  کی بیٹی علیشہ سے جائز ہے۔ بشرطیکہ حرمت کی کوئی اور وجہ نہ ہو ۔

عن عائشة زوج النبي صلى الله عليه وسلم: أن النبي صلى الله عليه وسلم قال: يحرم من الرضاعة ما يحرم من الولادة.(سنن ابي داؤد، كتاب النكاح، باب ما يحرم من الرضاعة ما يحرم من النسب،رقم الحديث:2055، ج:2، ص:177)

ولو ‌أرضعت ‌أمه جارية لها إخوة وأخوات كان له أن يتزوج أخوات تلك الجارية؛ لأن التي أرضعتها الأم أخته من الرضاعة، ولا سبب بينه وبين أخواتها.(المبسوط للسرخسى، كتاب الرضاع، باب تفسير لبن الفحل، ج:3، ص:301)