نماز کے ارکان میں سے سجدہ ایک اہم رکن ہے کیونکہ اس میں نماز کا مقصد یعنی خشوع،خضوع بدرجہ اتم پا یا جا تا  ہے۔البتہ جو شخص   سجدہ ادا کرنے کی طاقت نہیں رکھتا اس کے لیے رکوع اور سجدہ اشارے سے ادا کرنے کی گنجائش ہے اور اس کو اس بات کا بھی اختیار ہے کہ اگر چاہے تو کھڑے ہو کر اشارے سے رکوع اور سجدہ کرے یا زمین پر بیٹھ کر،لیکن زمین پر  بیٹھ کر اشارے سے ادا کرنا زیادہ  بہتر ہے،کیونکہ بیٹھنے کی حالت سجدہ کے زیادہ قریب ہے،تا ہم اگر زمین پربیٹھنا بھی باعث مشقت ہو تو کرسی پر بیٹھ کر بھی اشارے سے نماز پڑھ سکتاہے۔

صورت مسؤلہ کے مطابق اگرسائل کو کھڑے ہو کر یا زمین پر بیٹھ کرنما زپڑھنے میں تکلیف ہوتو اس کے لیے کرسی پر بیٹھ  کر نماز پڑھنے کی شرعاً گنجائش ہے ،اور کرسی پر بیٹھ کر نماز پڑھنے سے معذور شخص کا فریضہ ادا ہو جا تا ہے،لیکن اس کو پریشان نہیں ہونا چاہئے۔

 "إذا عجز المريض عن القيام صلى قاعدا يركع، ويسجد"۔(الفتاوی الهندية، کتاب الصلاة، الباب الربع عشر فی صلاةالمريض،ج: 1، ص: 196)

"لو عجز عن الركوع، والسجود، وقدر على القيام، فالمستحب أن يصلي قاعدا بإيماء، وإن صلى قائما بإيماء جاز عندنا"۔ (الفتاوی الهندية، کتاب الصلاة، الباب الربع عشر فی صلاةالمريض،ج: 1،ص: 196)