واضح رہے کہ اگر کوئی شخص کسی کوقرض پر پیسے دے کر قرضدار سےکسی اضافی چیز لینے کا مطالبہ نہ کرے تو یہ قرض حسنہ شمار ہوگا، اور قرض  دینے والا شخص مستحق اجر وثواب ہوگا، لیکن اگر قرض خواہ  قرض کی ادائیگی کےلیے کچھ مدت مقرر کرکے قرض دار سے کہے کہ اس مدت میں قسطوں کو پورا کروگےورنہ تم سے مالی جرمانہ لیا جائے گا تو یہ اضافی رقم سود کے حکم میں  داخل ہے۔

 صورت مسئولہ میں بیان کردہ  تفصیل کے مطابق اگر بینک سے قرض لیا جائے اور پھر قسطوں کو وقت میں ادا کیا جائےتو اگرچہ سود کا گناہ نہ ہوگا، البتہ چونکہ قرض لیتے وقت یہ معاہدہ کرچکا تھا کہ تاخیر کی صورت میں اضافی رقم دوں گا، اس لیے  یہ سودی معاہدہ  کرنے کا گناہ بہرحال ہوگا۔چنانچہ قرض لینے کی کوئی واقعی ضرورت نہ ہو تو خواہ مخواہ قرض لے کر اس گناہ میں مبتلا نہ ہو۔

القرض (هو) لغة: ما تعطيه لتتقاضاه، وشرعا: ما تعطيه من مثلي لتتقاضاه وهو أخصر من قوله (عقد مخصوص) أي بلفظ القرض ونحوه (يرد على دفع مال) بمنزلة الجنس (مثلي) خرج القيمي (لآخر ليرد مثله) خرج نحو وديعة وهبة. (الدر المختار، باب المرابحة والتولية، فصل في القرض،ج: 7، ص: 388)

وفي الخلاصة القرض بالشرط حرام والشرط لغو بأن يقرض على أن يكتب به إلى بلد كذا ليوفي دينه.وفي الأشباه كل قرض جر نفعا حرام.

(قوله كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض. ( رد المحتار على الدرالمختار،  باب المرابحة والتولية، فصل في القرض، مطلب كل قرض جر نفعا حرام، ج: 7، ص: 395)