واضح رہے کہ  عقد اجارہ کی صحت کے لیے ضروری ہے کہ اجارہ کی مدت اور  اجیر کی اجرت متعین ہو،اور جس چیز کو بطور  اجرت مقرر کیا گیا ہو وہ اجیر کے منافع سے حاصل شدہ نہ ہو۔

صورت مسئولہ کے مطابق عقد اجارہ کی مذکورہ صورت جائز نہیں ،  بلکہ یہ اجارہ فاسدہ ہے ،کیونکہ اجارہ کے صحیح ہونے کے لیے ضروری ہے کہ اجیر کی اجرت معین ہو ، جبکہ  اس گائے کے دودھ اور اس سے پیدا ہونے والے بچے  کو اجرت بنانے میں جہالت ہے  کیونکہ دودھ کی مقدار معین نہیں ،اور اس  گائے سے بچے کا پیدا ہونا یقینی بھی نہیں ،لہذا  یہ اجارہ فاسد ہے۔البتہ اس کے جائز ہونے کی یہ صورت ہے کہ  پالنے والے کے لیے دودھ کی ایک خاص مقدار مقرر کر لی جائے،پھر مالک (موجر) چاہے تو یہ دودھ اسی گائے سے دے یا کسی دوسری گائے کا دودھ دے۔یا  مستاجر موجر(مالک)  کے ساتھ اس گائے میں شریک ہو جائے ،اس طرح دونوں  اصل گائے، دودھ اور اس سے پیدا ہونے والے ہر  بچے میں شریک ہوں گے۔

ولا تصح ‌حتى ‌تكون ‌المنافع معلومة، والأجرة معلومة"(الهداية،كتاب الاجارات،ج:3،ص:296)

‌دفع ‌بقرة ‌إلى رجل على أن يعلفها وما يكون من اللبن والسمن بينهما أنصافا فالإجارة فاسدة وعلى صاحب البقرة للرجل أجر قيامه ۔(الفتاوی الهندیة،كتاب الاجارة،ج:4،ص:481)

والحيلة في ذلك ‌لمن ‌أراد ‌الجواز أن يشترط صاحب الحنطة قفيزا من الدقيق الجيد ولم يقل من هذه الحنطة أو يشترط ربع هذه الحنطة من الدقيق الجيد لأن الدقيق إذا لم يكن مضافا إلى حنطة بعينها يجب في الذمة والأجر كما يجوز أن يكون مشارا إليه يجوز أن يكون دينا في الذمة ثم إذا جاز يجوز أن يعطيه ربع دقيق هذه الحنطة إن شاء. كذا في المحيط ۔(الفتاوی الهندیة،كتاب الاجارة،ج:4،ص:480)