اگر کنویں سے مردہ حیوان بر آمد ہوجائے اور اس کے گرنے کا وقت معلوم نہ ہو تو اس میں امام ابو حنیفہ ؒ اور صاحبین ؒ کی رائے الگ الگ ہے۔ امام ابوحنیفہ ؒ کے نزدیک اگر جانور پھولا پھٹا نہ ہو تو ایک دن سے نجس متصور ہوگا ،لہذا ایک دن کی نمازوں کا اعادہ کیا جائے گا ،صاحبین ؒ کے ہاں  کنویں کا پانی اس مردہ حیوان کے نکلنے کے وقت  سے نجس سمجھا جائے گا کیوں کہ ابھی تک اس پانی کی طہارت  یقینی تھی ،ابھی شک کی وجہ سے وہ یقین متاثر نہیں ہوگا ، لہذا گزشتہ نمازوں کا اعادہ ضروری نہیں ۔صاحبین ؒ کے قول میں  سہولت اور آسانی ہے اس لیے فقہائے کرام فتوی کے لیے اس قول کو راجح قرار دیتے ہیں ۔

صورت مسؤلہ کے مطابق  اگر کنویں میں چوہا گرنے کا وقت یقینی طور پر معلوم نہ ہو تو محض شک کی بنیاد پر گزشتہ نمازوں کا اعادہ نہیں کیا جائے گا ، البتہ جس وقت  سے معلوم ہوا  کہ کنويں میں کوئی چوہا مرا ہے تو اس وقت سے اس کنويں پر نجاست کا حکم لگے گا ۔

(ويحكم بنجاستها)مغلظة (من وقت الوقوع إن علم، وإلا فمذ يوم وليلة إن لم ينفتخ ولم يتفسخ)وهذا (في حق الوضوء) والغسل؛ وما عجن به فيطعم...(ومذ ثلاثة ايام)بلياليها(إن انتفخ أو تفسخ) استحسانا.وقالا: من وقت العلم فلا يلزمهم شيء قبله، قيل وبه يفتى.(الدر المختار شرح تنوير الابصار، كتاب الطهارة،باب المياه، فصل فى البئر، ج:1، ص:378،377)

(فلا يلزمهم) أى أصحاب البئر شيء من اعادة الصلاة أو غسل ما أصابه ماءها كما صرح به الزيلعي و صاحب البحر والفيض وشارح المنية،...(قبله) أى قبل العلم بالنجاسة. قوله: (قيل وبه يفتى) قائله صاحب الجوهرة.وقال العلامة قاسم فى تصحيح القدورى: قال فى فتاوى العتابي: قولهما هو المختار.(رد المحتار على الدر المختار، كتاب الطهارة،فصل فصل فى البئر، ج:1، ص:378)