حق وراثت کی بنا پر میراث  میں ورثاء کو جو  کچھ ملتا ہے وہ ان کے اختیار  سے نہیں ملتا   بلکہ غیر اختیاری اور اضطراری طور پر  میراث کے مالک ہوتے ہیں ، لہذا میت کے مرنے کے بعد اس کا ترکہ  ورثاء  کے درمیان تقسیم  کر کے  ہر ایک کے قبضہ میں منتقل کر دینا  لازم  ہے  اور تقسیم سے پہلے زبانی  طور پر اپنا حصہ  لینے سے انکار کرنے سے حصہ ساقط نہیں ہوتا۔

لہذا صورت مسئولہ  کے مطابق اگر کوئی بہن اپنے بھائیوں سے یہ کہہ دے کے میرا حصہ لینے کا ادرادہ نہیں تو محض اس طرح کہنے سے اس کا حصہ ساقط نہیں ہو تا  بلکہ باقی رہتا ہے   ، لہذا بعد میں اس کا اپنے حصے کا مطالبہ کرنا  شرعاً  جائز ہے۔

‌‌الإرث ‌جبري لا يسقط بالإسقاط. ( ردالمحتار على الدر المختار ،كتاب الدعوى ، باب التخالف، ج:11،ص:678)

ولو قال تركت حقي من الميراث أو برئت منها ومن حصتي لا يصح وهو على حقه، لأن ‌الإرث ‌جبري لا يصح تركه. ( ردالمحتار على الدرالمختار  ، كتاب الدعوى، باب دعوى النسب،ج:8،ص:208)