واضح رہے کہ جوچیز  اصل کے اعتبار سے گناہ کے کام میں استعمال ہونے کے لیےنہ  بنی ہو،لیکن لوگ اسے گناہ میں بھی استعمال کرتے ہوں تو اس کا کاروبار  جائز ہے،پھر اگر  کوئی اس کوناجائز اور حرام مقاصد کے لئے استعمال کرتا ہو تو اس کا وبال اسی پر ہوگا۔

صورت مسؤلہ میں کیبل، انٹرنیٹ کے کاروبار کا چونکہ صحیح مقاصد کے لیے بھی استعمال ہوتا ہے،اس لیے اس کے کاروبارکو مطلقاًحرام نہیں کہا جاسکتا، لہذاکاروبارباقی رکھنےکی  گنجائش ہے،تاہم اگر اہل علاقہ کے بارے میں معلوم ہو کہ زیادہ استعمال ناجائز مقاصد کے لیے ہورہا ہے توپھر اس کو ختم کردینا زیادہ بہتر ہے۔

"إذا اجتمع المباشر والمتسبب أضیف الحکم إلی المباشر''۔ (الأشباه والنّظائر،ابن نجيم،القاعدة التاسعة عشر، ص:81)

"وعرف بهذا أنه لا يكره بيع مالم تقم المعصية به كبيع جارية المغنّية."(ردّ المحتار على الدّرالمختار:كتاب الجهاد،باب البغاة،مطلب في كراهية ما تقوم المعصية بعينه، ج:6، ص:421)

"و بيع الغلام الأمرد ممن يعلم أنّه ممن يعص الله يكره لأنّه إعانة على المعصية."(خلاصة الفتاوى، كتاب البيوع، الفصل السادس عشر في الحظر والإباحة، ج:3، ص:100)