نماز میں کسی واجب کے  بھول جانے سے سجدہ سہو لازم ہوتا ہے ۔ عیدین کی نماز میں چھ  تکبیرات زوائد واجب ہیں  ، اگر کسی امام سے عیدین کی نماز میں  تکبیرات زوائد چھوٹ جائیں  توسجدہ سہو واجب ہو جائے گا ، لیکن  عیدین اور جمعہ میں مجمع  کثیر   ہونے کی وجہ سے اگر سجدہ سہو  کرنے میں لوگوں کی نماز خراب ہونے کا اندیشہ ہو اور لوگوں میں اختلاف و انتشارکا خطرہ ہو تو سجدہ سہو ساقط ہو جاتا ہے  ۔

لہذا صورت مسئولہ کے مطابق تکبیرات زوائد چھوٹ  جانے کی وجہ سے سجدہ سہو واجب ہوتا ہے تاہم اگر  مجمع زیادہ ہو تو سجدہ سہوترک کرنے کی گنجائش ہے ۔

(والسهو في صلاة العيد ‌والجمعة ‌والمكتوبة والتطوع سواء) والمختار عند المتأخرين عدمه في الأوليين لدفع الفتنة كما في جمعة البحر.( ردالمحتارعلى االدرالمختار ،باب سجود السهو،ج:٢،ص:٩٢)

مشايخنا قالوا لا يسجد ‌للسهو ‌في ‌العيدين والجمعة؛ لئلا يقع الناس في فتنة.( الفتاوى الهندية،  كتاب الصلاة، فصل سهوالإمام يوجب عليه، ج:١،ص:١٢٨)

‌العاشر ‌تكبيرات ‌العيدين قال في البدائع إذا تركها أو نقص منها أو زاد عليها أو أتى بها في غير موضعها فإنه يجب عليه السجود.( البحرالرائق، الإمام إذا سها تكبيرات...،ج:٢،ص:١٠٣)