اگر کسی چیز پر لگی ہوئی نجاست خشک ہوگئی ہواور اس پر اتنا گیلا ہاتھ یاپاؤں رکھا گیا جس سے وہ چیز خوب تر ہوجائے یہاں تک کہ اگر اس پر کوئی دوسری چیز رکھی جائے تو وہ تری اس کو بھی لگ جائے تو اس صورت میں یہ پاؤں اور ہاتھ ناپاک ہوجائے گا ،تاہم اگر وہ چیزاتنا زیادہ نہیں بھیگا  کہ اس پر کوئی دوسرا کپڑا وغیرہ  رکھا جائے اور اس کو بھی  تری لگ جائے تو ہاتھ یا پاؤں ناپاک نہیں ہوگا ،اسی طرح اگر ناپاک چیز پر مٹی پڑ جائے اور وہ چیز پہلے سے خشک ہو تو او پر پڑنے والی مٹی پاک شمار ہوگی یہاں تک کہ فقہائےکرام نے اس پر تیمّم کرنے کی بھی اجازت دی ہے۔

"الرّجل إذا غسل رجله ومشىٰ على أرض نجسة بغير نعل فابتلّت الأرض من بلل رجله واسودّ وجه الأرض لكن لم يظهر أثر بلل الأرض في رجله فصلّى جازت صلاته، وإن كان بلل الماء في رجله كثيرا حتى ابتلّ وجه الأرض وصار طينا ثم أصاب الطين رجله لا يجوز صلاته.(الفتاوى التاتارخانية، كتاب الطهارة، الفصل السابع في معرفة النجاسات وأحكامها...،ج:1، ص:435)

"إذا تيمّم ‌بغبار ‌الثوب ‌النّجس لا يجوز إلا إذا وقع التّراب بعدما جفّ الثوب.(الفتاوىٰ الهندية، كتاب الطهارة، الباب الرابع في التيمم، الفصل الأوّل، ج:1، ص:80)