واضح رہے کہ وقف میں واقف کا عاقل اور بالغ ہونا شرط ہے اگر کوئی عاقل بالغ آدمی کسی چیز کو وقف کرے اور جس مقصد کےلیے وقف کیا ہو اس مقصد میں ایک مرتبہ استعمال بھی  ہوجائے تو اس  سے وقف تام ہوجاتا ہے اور واقف کو پھر رجوع کا حق حاصل نہ ہوگا۔

صورت مسئولہ کے مطابق اگر کسی نے غصہ یا جذبات  میں جائیداد کو وقف کیا ہو، لیکن اس کا قبضہ متولی کو دیا ہو، رجسٹری بھی کروائی ہو اور اس کا مقصد میں استعمال بھی شروع ہوچکا ہو تو اس صورت میں وقف تام شمارہوگاچنانچہ واقف، وقف شدہ چیز سے رجوع نہیں کرسکتا۔

وأما شرائطه: (فمنها: العقل والبلوغ) ‌فلا ‌يصح ‌الوقف ‌من ‌الصبي والمجنون. ( الفتاوى الهندية، كتاب الوقف، ج: 2، ص: 347)

وعند محمد لا يزول ملك الواقف إلا بالتسليم إلی المتولي أو إلی الموقوف عليه... حتی أن علی قوله لو لم يسلم الوقف إلی المتولي لا يزول ملكه. (الفتاوی التاتارخانية،كتاب الوقف ، الفصل الثاني ،ج:8،ص:10، 12)

والحاصل أن التسليم علی قول من يشترط التسليم وهو قول محمد يكون بأحدی طريقتين: إما بإثبات اليد للقيم عليها أو لحصول المقصود وذلك في السكنی في مسئلة الدار وبالنزول في مسئلة الخان وبالدفن في مسئلة القبروما أشبه ذلك. ( الفتاوی التاتارخانية،كتاب الوقف،الفصل الثاني والعشرون ،ج:8،ص:185)