مدرسین اجیر خاص  کے زمرہ میں شامل ہوتےہیں، جن کو ایام عمل اور اوقات عمل میں حاضر رہنے سے اجرت دی جاتی ہے۔ تعطیل کا مقصد یہ ہوتاہے کہ مدرس انسانی ضروریات اور طبعی تقاضوں کے پیش نظر اپنی ذاتی مصروفیات نمٹاکریا کچھ راحت حاصل کرکے ایام عمل کے لیے تیارہوجائے۔ تاہم اگرکوئی مدرس ایام تعطیل میں بھی مدرسہ کے لیے اضافی کام سرانجام دے، تومدرسہ کے ضابطے اور قانون کے مطابق اُسے معمول کی تنخواہ سے دگنی رقم دی جاسکتی ہےاور ایسی صورت میں یہی دگنی رقم اس کی اجرت کہلائے گی۔ اگر کسی مدرسہ کا اپنا کوئی مستقل  ضابطہ نہ ہو، توعلاقے کے دیگرمدارس اورعرف کا اعتبار ہوگا۔

 والأجيرالخاص:الذي يستحق الأجرة بتسليم نفسه في المدة.(الهداية،كتاب الإجارة، باب ضمان الأجير، ج:3 ،ص:312)