واضح رہے کہ شوہر کے ذمے بیوی کے نان نفقہ اور رہائش کا اس طرح انتظام کرنا شرعا ضروری ہےکہ  اس کے لیے مستقل ایساکمرہ ، باورچی خانہ اور بیت الخلاء ہو  ،جس میں کسی دوسرے کا اشتراک اور عمل دخل نہ ہو  ، تاہم  رہائش کے لیے مناسب جگہ  ملکیتًا فراہم کرنا شوہر پر لازم نہیں۔

صورت مسئولہ کے مطابق اگر شوہر نے  پہلی  بیوی کے نان نفقہ اور رہائش کا  مناسب انتظام کیا ہو ، تو اس  پر یہ  لازم نہیں کہ وہ بیوی کے مطالبہ پر یہ گھر اس کے نام پر کر دے ، تاہم  اگر شوہر استطاعت رکھتا ہو اور اس میں مصلحت سمجھتا ہو تو اس کی بھی  گنجائش ہے ، لیکن بیوی کے لیے گھر نا  م پر کرنے کا مطالبہ جائز نہیں ۔

وبيت ‌منفرد من دار له غلق. زاد في الاختيار والعيني: ومرافق، ومراده لزوم كنيف ومطبخ، وينبغي الإفتاء به بحر (كفاها) لحصول المقصود هداية. وفي البحر عن الخانية: يشترط أن لا يكون في الدار أحد .( ردالمحتار على الدر المختار ،  مطلب  فى مسكن الزوجة،ج:٣،ص:٦٠٠)

‌تجب ‌السكنى ‌لها عليه في بيت خال عن أهله وأهلها إلا أن تختار ذلك.( الفتاوى الهندية، الفصل الثانى في السكنى، ج: ١، ص:٥٥٦)