اگرکوئی شخص واجب  قربانی کے ساتھ حضورﷺ کی طرف سےقربانی  کرے، اسی طرح دیگر مرحومین کی وصیت کے بغیر اپنی طرف سے ان کے ایصال وثواب کے لیےقربانی کرےتو اس کا حکم  نفلی قربانی کا ہے، چنانچہ اس کا گوشت خود بھی کھاسکتے ہیں اور مالدار و فقراسب کو دےسکتے ہیں، البتہ اگر مرحوم نے قربانی کرنے کی وصیت کی تھی، پھر اس کی طرف سے قربانی کی گئ، تو ایسی قربانی کا گوشت فقراء میں صدقہ کرنا ضروری ہے۔اسی طرح  اگرقربانی کے گوشت کو تقسیم کرنے کاافضل طریقہ یہ ہے کہ گوشت کو تین حصوں میں تقسیم کیا جائے، ایک حصہ غربا میں، دوسرا حصہ رشتہ داروں میں تقسیم کیا جائے ،اور تیسرا حصہ اپنے لیے رکھا جائے ۔

ويستحب أن يأكل من أضحية ويطعم منها غيره ، والأفضل أن يتصدق بالثلث،ويتخذ الثلث ضيافةلأقاربه، وأصدقائه، ويدخر الثلث ويطعم الغني والفقير جميعا۔(الفتاوى الهندية،كتاب الأضحية،الباب الخامس في بيان محل إقامة الواجب،ج:5، ص:300)