واضح رہے اگر قبرستان وقف  شدہ نہ ہو اور لوگوں نے اس میں مردے دفنانا چھوڑ دیا ہو اور اس میں موجود اموات  غالب گمان کے مطابق مٹی ہو  چکے ہوں تو اسے کسی بھی مصرف میں استعمال کرنا جائز ہے ،لیکن اگر قبرستان وقف شدہ ہو اور علاقے والوں نے  اس میں میتیں دفنانا چھوڑ دیا ہو اور مدفون اموات غالب گمان کے مطابق مٹی  ہو چکے ہوں تو ایسے قبرستان کو دوسرے وقف مثلاً مسجد، عیدگاہ ،جنازگاہ وغیرہ میں استعمال کرنا جائز ہے۔

صورت مسؤلہ کے مطابق اگر مذکورہ زمین قبرستان کے لیے وقف ہو اور لوگوں نے اس میں میتیں دفنانا چھوڑ دیا ہو اور مدفو ن اموات غالب گمان کے مطابق مٹی ہو چکے ہو ں تو ایسے قبرستان کو عیدگاہ یا جنازگا ہ میں استعمال کرنا جائز ہے۔

‌ولو ‌بلى ‌الميت وصار ترابا جاز دفن غيره في قبره وزرعه والبناء عليه.(الفتاوى الهندية، كتاب الصلاة، الباب الحادي وا لعشرون في الجنائز، الفصل السادس في القبر ،ج:1،ص:167)

قال ابن القاسم: ‌لو ‌أن ‌مقبرة ‌من ‌مقابر ‌المسلمين عفت فبنى قوم عليها مسجدا لم أر بذلك بأسا. (عمدة القاري شرح صحيح البخاري، باب الصلاة في مرابض الغنم، ج:4،   ص:179)