واضح رہے کہ اگر کوئی شخص کسی معین چیز کی نذر مان لے تواس کے لیےاس چیز کے بدلے اس کی قیمت یا اس کے برابردوسری چیز دیناجائز ہے۔

صورت مسؤلہ کے مطابق اگرکسی خاتون  نےمعین بکری کےایک پاؤں کی نذر مانی ہو اورا ب اس کو فروخت کرنا چاہے یا اس کی قربانی کرنا چاہےتو یہ شرعاجائز ہے البتہ اس بکری کےایک پاؤں کی قیمت یا اس قیمت کے برابر کوئی اور چیز فقرا پر صدقہ کرے گی۔

"نذر أن يتصدّق بعشرة دراهم من الخبز، فتصدّق بغيره جاز إن ساوى العشرة كتصدّقه بثمنه." (الدّر المختار على صدر ردّالمحتار، كتاب الأيمان، ج:5، ص:525)

"ويجوز دفع القيم في الزكاة عندنا، وكذا في الكفّارات وصدقة الفطر والعشر والنّذر كذا في الهداية." (الفتاوى الهندية، كتاب الزّكاة، الفصل الثاني في العروض، ج:1، ص:243)