شریعت کی روسے خلع معتبر ہونے کے لئےزوجین  کی رضامندی  ضروری ہے، دونوں کی رضامندی سے  خلع میں جو عوض  طے ہو جائے بیوی کے ذمے وہ لازم ہوتا ہے ،اگر خلع حق  مہر کے عوض ہو اور شوہر نے اب تک ادا نہ کیا ہو تو مہر  شوہر کے ذمے سے  ساقط ہو جائے گا  لہذا اس  پر مہر ادا کرنا  لازم نہیں ہوگا اور اگر شوہر نے مہر ادا کیا ہو  تو بیوی پر  مہر  واپس  کرنا لازم ہوگا۔

صورت  مسؤلہ کے مطابق  اگر بیوی نے شوہر کی رضامندی سے خلع لیا ہو  اور بیوی نے بدل خلع میں اپنا حق مہر معاف کیا ہو تو ایسی صورت میں لڑکی کے خاندان والوں کا شوہر سے مہر کا  مطالبہ کرنا شرعا جائز  نہیں۔

إذا تشاق الزوجان،وخافا أن لا يقيما حدود الله،فلا بأس بأن تفتديَ نفسها منه بمال يخلعها به. (الهداية، باب الخلع،ج:2،ص:413)