واضح رہے کہ  دو گواہوں کی موجودگی میں ایجاب  و قبول کے الفاظ  کہنے سے نکاح  منعقد ہوجاتا ہے  ۔ چنانچہ اگر  لڑکا اور لڑکی  کے والدین  یا دیگر اولیاء   صرف  نکاح کے لیے رضا مندی ظاہر کریں لیکن باقاعدہ ایجاب وقبول نہ ہو ،تو یہ محض وعدہ نکاح ہوتا ہے  ، جسے عرف میں منگنی(کویدن) سے تعبیر کیا جاتا ہے  ۔چونکہ یہ نکاح نہیں ہوتا اس لیے  اگر کسی وجہ سے منگنی توڑنا پڑے تو  طلاق کی ضرورت نہیں ہوتی ۔

 صورت ِ مسئولہ میں اگر واقعی لڑکی  کی صرف منگنی ہوئی ہوتو یہ محض وعدہِ نکاح ہے اور وعدہ نکاح سے نکاح منعقد نہیں ہوتا  ،لہذا اس  صورت میں لڑکی  کا کسی  دوسری جگہ منگنی یا نکاح کروانا جائز ہوگا ۔

النكاح ينعقد بالإيجاب والقبول بلفظين يعبر بهما عن الماضي...ولا ينعقد نكاح المسلمين إلا بحضور شاهدين حرين،عاقلين،مسلمين،رجلين أو رجل،وامرأتين.(الهداية،كتاب النكاح،ج:2،ص:226،225)

قال العلامة الشامي:قال في الشرح الطحاوي:لو قال هل أعطيتنيها فقال:أعطيت،إن كان المجلس للوعد فوعد،وإن كان للعقد فنكاح. (رد المحتار على الدر المختار،كتاب النكاح،مطلب كثيرا ما يتساهل في إطلاق المستحب على السنة،ج:4،ص:72)