واضح رہے کہ ہرانسان کے مال،جان اور عزت کو تحفظ حاصل ہے،لہذا کسی آدمی کی مملوکہ چیز اس کی اجازت کےبغیر استعمال کرنا جائز نہیں۔

صورت مسئولہ کے مطابق کسی کے WIFIکو اس کی اجازت و مرضی کے بغیر CONNECTکرکے استعمال کرنا جائز  نہیں،تاہم اگر   اس غرض سے پاس ورڈ نہ لگایا ہو کہ ہر کوئی اسے استعمال کرے تو ایسی صورت میں یہ دلالتا اجازت شمار ہوگی،اور استعمال کرنے کی گنجائش ہوگی تاہم پھر بھی احتیاط کا تقاضا یہ ہے کہ صریح اجازت لی جائے۔

عن أبی حرة الرقاشی، عن عمه، أن رسول الله صلى الله عليه وسلم قال: " لا يحل مال امرئ مسلم إلا ‌بطيب نفس منه "(شعب الايمان للبيهقی،ج:7 ص:346).

لا يجوز لاحد أن يتصرف في ملك غير بلا إذنه،أووكالةمنه،أوولايةعليه.(شرح المجله لخالد ألاتالسی،ماده:96،ج:1 ص:262)