اگر کوئی شخص اپنی بیوی کو تین طلاق دے دے،تو یہ عورت اس پر مغلظہ ہوجاتی ہے اور دونوں کا آپس  میں   ازدواجی تعلق قائم رکھنا حرام  ہو  جاتا ہے۔ اگر اس  عورت کا  عدت گزرنے کے بعد کسی اور شخص سے نکاح ہوجائے   اور اس کے ساتھ ہمبستری کے  بعد طلاق ہوجائے ،یا وہ شخص مرجائے ،تو پھرزوج ثانی سے  عدت گزرنے کے بعدپہلے شوہر  کے  ساتھ نکاح کرسکتی ہے۔نیز طلاق ثلاثہ کے بعد بیوی سے جماع زنا ہے،زنا سے حاملہ عورت کے ساتھ نكاح  جا ئز ہے۔لیکن زنا کرنے والے شخص کے علاوہ کسی اور نے اس سے نکاح کیا ہو ،تو دوران حمل وضع حمل سے پہلے اس کے لیے جماع کرنا جائز نہیں۔  البتہ اگر جماع کرے تو نکاح صحیح موجود ہونے کی وجہ سے اس کو زنا نہیں کہا جائے گا۔لہذا  زوج ثانی کے  جماع سے یہ پہلے شوہر کے لیے حلال ہوجائے گی۔تاہم حلالہ  کی نیت کے ساتھ نکاح کرنا یا کرانا   موجب گناہ ہے ، اس لیے کہ'  آپﷺ نے حلالہ کرنے والے  اور کرانے والے دونوں پر لعنت بھیجی ہے' ۔

صورت مسئولہ کے مطابق  جس نے اپنی بیوی کو تین طلاق دے دی ، پھروہ اس سے ملنے کی وجہ سے  حاملہ ہوگئی، پھر اس عورت نے عدت گزارنے کے بعد   کسی اور شخص سے نکاح کر لی   اور اس شخص نے ہمبستری کے بعد  طلاق  دے دی  اور  پھر  اس  عورت   کا وضع حمل ہوگیا،تو اب وہ پہلے شوہر  کے ساتھ نکاح کرسکتی ہے۔

قال الله تعالى: فَإِن ‌طَلَّقَهَا فَلَا تَحِلُّ لَهُۥ مِنۢ بَعۡدُ حَتَّىٰ تَنكِحَ زَوۡجًا غَيۡرَهُۥۗ ۔ (سورة البقره،2/230)

‌عن ‌عائشة، ‌أن ‌النبي صلى الله عليه وسلم قال في رجل طلق امرأته ثلاثا، ثم تزوجها آخر، ثم طلقها من قبل أن يمسها، قال: " لا ينكحها الأول حتى تذوق من عسيلته، ويذوق من عسيلتها ".(مسند أحمد ، مسند عائشة،  ج:7، ص:58)

(وكره) التزوج للثاني (تحريما) لحديث «لعن المحلل والمحلل له» (بشرط التحليل) ‌كتزوجتك ‌على ‌أن ‌أحللك.(الدر المختار على صدر رد المحتار،كتاب الطلاق،باب الرجعة، ج:5، ص:47)

‌والزنا ‌لا ‌يوجب ‌العدة ولا يمنع من أن تتزوج. (الفتاوى الهندية، فصل:فيما تحل به المطلقة وما يتصل به، ج:1، ص:475)

وعلى هذا يخرج ما إذا تزوج امرأة حاملا من الزنا أنه يجوز في قول أبي حنيفة ومحمد، ولكن ‌لا ‌يطؤها ‌حتى ‌تضع.(بدائع الصنائع، كتاب النكاح، فصل أن لا يكون بها حمل ثابت النسب من الغير، ج:2، ص:269)