واضح رہے کہ منقولی اشیا کی خرید و فروخت کے لیے ضروری ہے کہ وہ چیز بائع کی ملکیت اور قبضہ میں ہو،چاہے خود قبضہ میں لی ہو یا وکیل کے ذریعے وہ چیز اس کے قبضہ میں آئی ہو۔

صورت مسئولہ کے مطابق  اگر کوئی شخص  پاکستان میں بیٹھ کر جاپان میں  گاڑی خریدتا  ہے اور کمپنی کے ذریعے گاڑی کراچی منگواتا  ہے  اور کمپنی یہ گاڑی مالک سے لے کر خریدار تک پہنچاتی ہے، تو اس صورت میں یہ  کمپنی   پاکستانی شخص کی طرف سے وکیل بالقبض ہو گی،اور وکیل  کے قبضہ میں گاڑی آنا  اصل مالک کے قبضہ میں  آنا ہےلہذا   یہ پاکستانی شخص گاڑی کراچی پہنچنے  سے پہلے دوسرےشخص پر  فروخت کر سکتا ہے۔

‌‌فصل: "‌ومن ‌اشترى ‌شيئا مما ينقل ويحول لم يجز له بيعه حتى يقبضه"، لأنه عليه الصلاة والسلام نهى عن بيع ما لم يقبض ولأن فيه غرر انفساخ العقد على اعتبار الهلاك۔(الهداية،كتاب المرابحۃ والتولیۃ،ج: 3ص:59)

‌قبض ‌الوكيل بمنزلة قبض الموكل من حيث إن الوكيل في القبض عامل للموكل۔(المحيط البرهاني،‌‌الفصل الثاني عشر: في الوكالة في الصرف،ج:8ص:340)