رمضان المبارک کے آخری عشرے میں اعتکاف  سنت مؤکدہ ہے اور سنت اعتکاف کا وقت رمضان المبارک  کی بیسویں تاریخ  کو غروب آفتاب کے ساتھ  شروع ہوتا ہے۔لہذا معتکف کے لیے  بیسویں روزے کا سورج غروب ہونے سے پہلے نیت  کر کے    اعتکاف کی جگہ میں داخل ہونا ضروری ہے،اور اگر ایک دن  پہلےہی سے اعتکاف کی نیت سے مسجد میں  آکر بیٹھ جائے،تو یہ  بھی جائز  ہے، البتہ اس صورت میں اس شخص کا سنت اعتکاف  بیسویں تاریخ کے دن مغرب سے ہی شروع ہوگا ،اور اس سے پہلے اعتکاف نفل شمار ہوگا ۔

صورت مسئولہ کے مطابق شک کی بنیاد پر رمضان کے  بیسویں روزہ کے بجائے  مقامی لوگوں کے انیسواں روزہ کو اعتکاف کے لیے بیٹھ جانا درست ہے،البتہ اس صورت  میں اس شخص کا سنت اعتکاف بیسویں تاریخ  کے دن مغرب سے ہی شروع ہوگا، اور اس سے پہلے  کا اعتکاف نفلی ہوگا۔

وينقسم إلى واجب، وهو المنذور تنجيزا أو تعليقا، وإلى سنة مؤكدة، وهو في العشر الأخير من رمضان، وإلى مستحب، وهو ما سواهما، هكذا في فتح القدير.(الفتاوى الهندية،کتاب الصوم،البا السابع في الاعتكاف،ج:1،ص:274)

(قوله: وأقله نفلا ساعة) لقول محمد في الأصل إذا دخل المسجد بنية الاعتكاف فهو معتكف ما أقام تارك له إذا خرج.(البحر الرائق،ج:2،ص:323)