واضح رہے کہ اگر کسی شخص کو کسی کام کے کرنے یا نہ کرنے میں شک ہو اورکسی جانب  غالب گمان  نہ ہو اور کوئی قرینہ بھی نہ ہو ،تو اس  کام کے نہ ہونے کو ترجیح دی جائے گی۔

صورت مسؤلہ کے مطابق اگر والدین میں کسی کو یقین ہویا غالب گمان ہو  کہ بچہ اس کے نیچے دب کر مرا ہے تو کفارہ  اسی پر واجب ہوگا۔لیکن اگر والدین میں سے کسی کو بھی معلوم نہ ہو کہ بچہ اس کے نیچے دب کر مرا ہے، تو اس صورت میں محض شک کی وجہ سے کفارہ ان دونوں میں سے کسی پر بھی واجب نہیں ۔

"اليقين لا يزول بالشک، وفيها قواعد ... الثالثة: من شک هل فعل أو لا؟ فالأصل عدمه". (الأشباه والنظائر في الفقه الحنفي، الفن الأول، النوع الأول: القاعدة الثالثة )