بائع اور مشتری کے درمیان ایجاب و قبول سے بیع تام ہوجاتی ہے، تاہم عقد بیع کےصحیح ہونے کے لیے مبیع اور ثمن کا معلوم اور متعین ہونا ضروری ہے۔ لہذا مبیع یا ثمن کے مجہول ہونے کی صورت میں بیع فاسد شمار ہوگی اور متعاقدین کے لیے اس کا فسخ کرنا ضروری ہو گا۔ چنانچہ بیع فسخ ہونے کی صورت میں اگر ثمن کی ادائیگی ہوئی ہو لیکن مبیع حوالہ نہ ہوئی ہو، تو بائع بیع فسخ کرکے پیسے واپس کرے گا۔

صورت مسئولہ کے مطابق چونکہ مشتری کے ثمن کی ادائیگی کے بعد بائع نے مبیع یعنی اینٹوں کو گن کریا کسی اور طریقے سے   تعیین کرکے علیحدہ نہیں کیاتھا۔ اس لیے مبیع مجہول ہونے کی وجہ سے عقد فاسد تھا۔ لہذا مشتری اور بائع پراس کا فسخ کرنا ضروری تھا۔ لیکن بیع فسخ کرنے سے قبل مشتری کا انتقال ہوچکاہے، اس لیے بائع بیع فسخ کرکے وصول کی گئی رقم مشتری کے ورثا کو واپس کرے گا۔

‌

البيع: ‌ينعقد بالإيجاب والقبول إذا كانا بلفظ الماضي.(مختصر القدوري ،كتاب البيوع، ص:78)

يلزم ‌أن ‌يكون ‌المبيع ‌معلوما عند المشتري.(المجلة الأحكام العدلية، الكتاب الأول في البيوع، الفصل الأول في حق الشروط و أوصافه، ألمادة:200، ص:41)

‌لا يصح البيع إلا بمعرفة قدر المبيع والثمن.(البحرالرائق، کتاب البیع، ج:5، ص:294)