واضح رہے کہ فلیٹ بننے سےپہلے اس کی خرید و فروخت عقد استصناع کی صورت میں جائز ہے،اوراس کے جواز کے لئے معقود علیہ(مبیع)  کی جنس ، نوع، صفت ، مقدار کا معلوم ہونا اور اس  پر لوگوں کا تعامل ہونا شرط ہے۔ جب کہ اس کے علاوہ عقد استصناع میں یہ ضروری نہیں کہ خریدار کے آرڈر دینے کے بعدہی  چیز بنائی جائے اور نہ یہ ضروری ہے کہ مستصنع صانع کے مجوزہ نقشہ میں تبدیلی کرے چنانچہ  صانع عقد میں طے شدہ جنس،نوع اوروصف کے موافق  پہلے سے بنی  ہوئی چیز یا کسی اور کی بنائی ہوئی چیز بھی پیش کر سکتا ہے۔ لہذا یہاں یہ اشکال درست نہیں کہ چونکہ فلیٹ بلڈر نے بنانا ہی ہوتا ہےاور اس کی ترتیب پہلے سے طے ہوتی ہےاس لیے اس میں استصناع درست نہ ہو۔

هو لغة ‌طلب ‌الصنعة أي أن يطلب من الصانع العمل۔۔۔ (فإن جاء) الصانع بمصنوع غيره أو بمصنوعه قبل العقد فأخذه (صح)۔(رد المحتار، باب السلم،مطلب في الاستصناع،ج:7،ص:476،474)

وفي البدائع من شروطه بيان جنس المصنوع ونوعه وقدره وصفته وأن يكون مما فيه تعامل۔ (رد المحتار،مطلب فى الاستصناع، ج:7،ص:473)