واضح رہے کہ مستقبل کی  طرف تبادلہ یعنی خرید وفرو خت کو منسوب کرنا "وعدہ بیع" کہلاتا ہے۔ وعدہ بیع سے نہ فروخت کنندہ ثمن(مثلا:رقم)کا مالک بنتا ہے اور نہ ہی خریدار مبیع(فروخت کی گئی چیز)کا مالک بنتا ہے۔ اس طرح وعدہ کرنے کے بعداس وعدہ کی پاسداری کرنا شرعی واخلاقی فریضہ ہے، تاہم عقد کے لیے مستقل ایجاب وقبول  کیا جائے گا۔ نیز کسی واقعی عذر کی وجہ سے وعدہ پورا نہ کرنے کی بھی گنجائش ہوتی ہے۔

                سوال میں مذکورصورتِ حال سے بظاہر معلوم ہوتا ہےکہ چچا نے بھتیجے کے ساتھ  باقاعدہ بیع کا عقد نہیں  کیا ہے اورنہ ہی سوال میں اس کی صراحت ہے، بلکہ تبادلہ کا وعدہ کیا ہے کہ اگر اُس نے متبادل جگہ مکان بنواکردیا تو حجرہ بھی دیا جائےگا،نیز حسبِ بیان بھتیجے نے اس کی زندگی میں مکان بنوا کر حوالہ بھی نہیں کیا ہے اورچچا نے دیوار تعمیر کرکےحجرہ کو گھر میں شامل بھی کیا ہے۔ اِن سب سے وعدہ بیع کی صورت مفہوم ہوتی ہے، لہذا اگر واقعی ان کے درمیان عقدِ بیع یعنی تبادلے کی حتمی بات نہ ہوئی ہو توایسی صورت میں چچا کی فوتگی کے بعد اس کی مملوکہ مال وجائیدادپر میراث کا حکم جاری ہوگا اورورثاء کی ملکیت شمار ہوگی، جس کو وہ فروخت بھی کر سکتے ہیں اورمرحوم کی طرف سے کیے گئے وعدہ کی پاسداری  میں مکان بنوانے کے عوض تبادلہ بھی کر سکتے ہیں اور اپنی ملکیت میں بھی برقراررکھ سکتے ہیں؛ تاہم  فروخت کرنے اوریا متبادل جگہ مکان بنوانے کی صورت میں قیمت  طے کرنے کااختیار ورثاء کو حاصل ہوگا۔

قال اللہ تعالی:وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا۔ (الإسراء: 34)

عن عبادة بن الصامت قال: قال رسول الله صلى الله عليه وسلم: " اضمنوا لي ستا من أنفسكم أضمن لكم الجنة: اصدقوا إذا حدثتم، وأوفوا إذا وعدتم، وأدوا إذا اؤتمنتم، واحفظوا فروجكم، وغضوا أبصاركم، وكفوا أيديكم "۔ (السنن الكبرى للبيهقي، باب ما جاء في اللترغيب في أداء الأمانات، ص:6،ص:288)

قال رحمه الله ( لا ينعقد بلفظين .أحدهما الماضي ، والآخر بلفظ المستقبل ) وإنما لا ينعقد بذلك لأن النبي صلى الله عليه وسلم استعمل فيه لفظ الماضي الذي يدل على تحقق وجوده فكان الانعقاد مقتصرا عليه ، ولأن لفظ المستقبل إن كان من جانب البائع كان عدة لا بيعا ، وإن كان من جانب المشتري كان مساومة۔ (العناية شرح الهداية، كتاب البيوع، ج:3،ص:45)