واضح رہےکہ کوئی چیز ادھار خرید کررقم مکمل ادا کرنے سے پہلے پہلے اسی فروخت کنندہ  پر نقد کم قیمت میں فروخت کرنا بیع عینہ کہلاتا ہے جس سے حدیث میں ممانعت آئی ہےالبتہ فروخت کنندہ کے علاوہ کسی دوسرے شخص پر نقد کم قیمت میں فروخت کرنا شرعا جائز ہے۔

لہذا صورت مسؤلہ میں اگر  زید  بکر سے قسط وار 7  لاکھ روپے میں گاڑی خرید کر عمرو پر 6 لاکھ میں نقد فروخت کرے تو یہ جائزہے۔ لیکن اگر زید رقم کی ادائیگی سے پہلے یہی  گاڑی واپس بکر پر 6 لاکھ میں فروخت کرے تو شرعا یہ نا جائز ہے۔

عن ابن عمر قال: سمعت رسول الله صلى الله عليه وسلم يقول: «إذا تبايعتم بالعينة، وأخذتم أذناب البقر ورضيتم بالزرع، وتركتم الجهاد سلط الله عليكم ذلا لا ينزعه حتى ترجعوا إلى دينكم» (سنن أبي داود،‌‌کتاب الاجارۃ،باب في النهي عن العينة،ج:2،رقم الحدیث:3462)

من اشترى شيئا بألف درهم (حالة أو نسيئة فقبضه ثم باعه من البائع بخمسمائة قبل نقد الثمن) ‌فالبيع ‌الثاني ‌فاسد۔۔۔إذا باع من غير البائع فإنه جائز أيضا بالاتفاق۔(العنايةشرح الهداية، كتاب البيوع، باب بيع الفاسد، ج:6،ص:433)