مورث کی زندگی میں اپنے حصے سے دستبردار ہوجانا شرعا معتبر نہیں ،فقہائے کرام کی تصریحات کے مطابق میراث ایک غیر اختیاری حق ہے ،جو ساقط کرنے سے بھی ساقط نہیں ہوتا ۔لہذاصورت مسئولہ کے مطابق اگر کوئی  شخص اپنی بیوی  کی زندگی میں  اس کے ساتھ ، اس کے ترکہ میں حصہ نہ لینے کا اقرار کرتا ہو اور اسٹام پیپر پر دستخط بھی کرے تو اس سے اس کا حصہ ساقط نہیں ہوتا ،بلکہ اس کا حق میراث بدستور باقی رہتا ہے لہذا اگر بیوی پہلے فوت ہوجائےتو اس کو اپنے حقِ میراث کے مطالبہ کا حق حاصل رہے گا ۔

الإرث جبري لايسقط بالإسقاط.(رد المحتار على الدر المختار:كتاب الدعوى،باب التخالف ج:11،ص:678)

لو قال الوارث:تركت حقي لم يبطل حقه إذالملك لا يبطل بالترك.(شرح الأشباه والنظائر:ما يقبل الإسقاط من الحقوق وما لا يقبله،ج3،ص52)

ولو قال ‌تركت ‌حقي من الميراث أو برئت منها ومن حصتي لا يصح وهو على حقه، لان الارث جبري لا يصح تركه.(تكملة رد المحتار على الدر المختار،باب دعوى النسب،ج:8،ص:208)