موجودہ حالات کے تناظر میں سودی کاروبار کی حوصلہ شکنی اور اسلامی معیشت کو ترویج دینے کی خاطر اسلامی بینک کام کر رہے ہیں اگر چہ ہر ایک اسلامی بینک  کے نام سے کھلنے والے ادارے پر اعتمادممکن نہیں ،لیکن جس بینک کے قواعد وضوابط  واقعتا شرعی ہو ں اورجید علماء کرام کی نگرانی میں ان پر عمل کرایا جاتا ہو تو شرعا ان کے ساتھ سرمایہ کاری کی گنجائش ہے۔

 صورت مسؤلہ میں ذکرکردہ (میزان بینک ) کے معاملات ہماری معلومات کے مطابق تا حال شرعی اصول کے موافق ہیں اور مستند و تجربہ کار علماء کرام ان کی نگرانی کررہے ہیں اس لیے ان کے ساتھ سرمایہ کاری کرنا جائز ہے ۔

قال لله تعالی:"واحل اللہ البیع وحرم الربوٰا"(البقرۃ:    275)

 الامور بمقاصدھا یعنی ان الحکم الذی یترتب علی امر یکون علی مقتضی ما ھو المقصود من ذالک الامر۔ (شرح المجلۃ لخالد الاتاسی ،المادۃ :2 ،ج1 ص13)