واضح رہے کہ ٹیکسی چلانے والے کا کسی بھی سواری کو کرایہ پر لے جانااجارہ ہے جو کہ شرعا جائز ہے خواہ وہ سواری کہیں بھی جارہی ہو،اگر وہ جاکر  کوئی حرام کام کرتا ہو  تو یہ اس کا ذاتی فعل ہے ،لے جانے والا اس کا جواب دہ نہیں،کیونکہ مباشر کی موجودگی میں مسبب کی طرف نسبت نہیں ہوتی۔

لہذاصورت مسئولہ میں  ٹیکسی ڈرائیور کا شراب کی کمپنی کو مزدور لے جاکران سےکرایہ لینےمیں کوئی حرج نہیں ،اور حاصل شدہ آمدنی حلال ہے، شراب کی کمپنی میں مزدوری کرنا ان کا ذاتی فعل ہے،اس سےلے جانے والے کی اجرت پر کوئی فرق نہیں پڑتا۔

‌

وإذا ‌استأجر ‌الذمي من المسلم دارا يسكنها فلا بأس بذلك، وإن شرب فيها الخمر أو عبد فيها الصليب أو أدخل فيها الخنازير ولم يلحق المسلم في ذلك بأس لأن المسلم لا يؤاجرها لذلك إنما آجرها للسكنى. كذا في المحيط.(الفتاوى الهنديۃ،كتاب الإجارة،الباب السادس عشر في مسائل الشيوع في الإجارة ،ج:4، ص:486،دارالفكر)

وكذا في كل موضع تعلق المعصية بفعل فاعل مختار.(خلاصة الفتاوى،كتاب الإجارة،ج:3،ص:149،مكتبةرشيدية)