لزوم نذر کے لیے فقہاے کرام نے یہ شرط لگائی ہے کہ وہ کام عبادت مقصودہ ہو اور اس کی جنس سے کوئی فرض یا واجب موجود ہو۔

صورت مسئولہ میں بیٹے کے لیے کسی شخص کی بیٹی کے ساتھ رشتہ کرانے کی نذر مانی ہے ،چونکہ یہ کوئی  عبادت مقصودہ   نہیں اور نہ اس کی جنس سے کوئی فرض یا واجب ہے،اس لیے   یہ نذر منعقد  نہیں ہوئی،لہذا اس عورت کے ذمے بیٹے کے لیے مذکورہ رشتہ کرانا لازم اور ضروری نہیں ۔

(‌ولم ‌يلزم) ‌الناذر ما ليس من جنسه فرض كعيادة مريض وتشييع جنازة ودخول مسجد.(تنوير الابصارمع الدرالمختارعلى صدر رد المحتار،ج:5،ص:518)

‌ومن ‌نذر ‌نذرا ‌مطلقا أو معلقا بشرط وكان من جنسه واجب، وهو عبادة مقصودة،ووجد الشرط المعلق به (لزم الناذر) لحديث «من نذر وسمى فعليه الوفاء بما سمى» كصوم وصلاة وصدقة. (رد المحتار، على الدر المختار،ج:3،ص:735)