واضح رہے کہ مشترکہ زمین میں سے کسی شریک کا اپنا معلوم حصہ (آدھا یا چوتھائی مثلا ) بیچنا ، فقہا کی اصطلاح میں بیع المشاع کہلاتا ہے جو کہ جائز ہے۔ چاہے دوسرے شرکا اس پر راضی ہو ں یا نہ ہوں البتہ شریک کو اگر اپنا معلوم حصہ معلوم ہی نہ ہو کہ وہ کتنا ہے تو اس صورت میں مبیع مجہول ہونے کی وجہ سے بیع فاسد ہو گی ۔

صورت مسئولہ کے مطابق اگر مشترکہ زمین میں سے ہر شریک کا حصہ مشاع طور پر معلوم ہو اور کوئی شریک اپنا حصہ بیچے تو یہ جائز ہے ۔ اورمشاع حصہ خریدنے والا مشتری ہر ہر جز ءمیں  دوسرے شریک کے ساتھ شریک ہو جائے گا اور اس کی حیثیت اس کے ساتھ اس طرح ہو گی جس طرح بائع کی تھی ۔ چناچہ تقسیم یا مہایاۃ کے طور پر اس سے فائدہ اٹھا سکتا ہے ۔

يصح بيع حصة شائعة معلومة كالنصف والثلث و العشر من عقار مملوك قبل الإفراز ، أما إذا كانت الحصة غير معلومة فالبيع فاسد، فلو قال لرجل: بعتك نصيبي من هذه الدار بكذا، وقبل المشتري ولم يكن عالما بنصيبه لا يجوز هذا البيع، و إن علم جاز.... سواء باع من شريكه أو من أجنبي، ولا يشترط فيه إذن الشريك . ( شرح المجلة لسليم رستم باز ، الباب الثاني ، الفصل الثاني ، رقم المادة : 214 ، ص: 103 )

‌فبيع ‌كل ‌منهما نصيبه شائعا جائز من الشريك والأجنبي. (ردالمحتارعلى الدرالمختار، ‌‌كتاب الشركة ، ج:4 ، ص:300)