جن لوگوں کوبیت اللہ نظر  آتا ہو ان کے لیے  عین کعبہ کی طرف رخ  کر کے نماز پڑھنا فرض  ہے اور عین کعبہ سے انحراف کی صورت میں نماز ادا نہ ہوگی البتہ جن  کو بیت اللہ نظر نہ آتا ہو ان کے لیے عین کعبہ کی طرف رخ کر کے نماز پڑھنا ضروری نہیں  بلکہ جہت قبلہ کی طرف رخ کرکے نماز پڑھنا ضروری ہے  اور جہت قبلہ عین قبلہ سے دائیں  بائیں 45،45 ڈگری تک ہےلہذا اگر  نمازی عین قبلہ سے اتنا انحراف کرے کہ وہ دائیں  یا بائیں 45 ڈگری کے اندر ہو تو ایسی صورت میں   اس کی نماز ادا ہوجائے گی ۔

جہاں تک پاکستان کا تعلق ہے تو اس کے تمام شہروں میں سمت قبلہ اگرچہ جانب مغرب ہے لیکن عین سمت قبلہ ہر جگہ کا مختلف ہو تا ہےمثلاً پشاور کا عین قبلہ شمال سے بطرف مغرب 106.19 درجہ ہے۔ لہذا اس سے 45 ڈگری دائیں اور بائیں طرف منہ کرکے نماز پڑھنے کی گنجائش ہے،اسی طرح ہر جگہ جو عین سمت قبلہ ہو اس سے دائیں بائیں 45،45 ڈگری تک جہت قبلہ ہے ،لہذاجن مساجد کا قبلہ اس  کے اندر اندر ہو وہ درست ہے چانچہ اس کو ہٹانے کی ضرورت نہیں ۔

استقبال القبلة فللمكي إصابة عينها ولغيره إصابة جهتها.(تنوير الأبصار مع الدر المختار،ج:2،ص:108)

وجهتها أن يصل الخط الخارج من جبين المصلي إلى الخط المار بالكعبة على استقامة بحيث يحصل قائمتان.أو نقول : هو أن تقع الكعبة فيما بين خطين يلتقيان في الدماغ فيخرجان إلى العينين كساقي المثلث، كذا قال النحرير التفتازاني في شرح الكشاف، فيعلم ‌منه ‌أنه لو انحرف عن العين انحرافا لا تزول منه المقابلة بالكلية جاز، ويؤيده ما قال في الظهيرية: إذا تيامن أوتياسر تجوز لأن وجه الإنسان مقوس لأن عند التيامن أو التياسر يكون أحد جوانبه إلى القبلة.(رد المحتار على الدر المختار،كتاب الصلاة، باب شروط الصلاة،ج:2،ص:109)