واضح رہے کہ اگر کوئی شخص اپنی بیوی کے بارے میں ایسے الفاظ استعمال کرے جن میں طلاق اور طلاق کے علاوہ دوسرے معنی کا بھی احتمال موجود ہو تو ایسے الفاظ کو الفاظ کنایہ کہتے ہیں چنانچہ اس طرح الفاظ اگر شوہر  طلاق کی نیت سے کہہ دے یا  یا دلالت حال  سے یہ معلوم ہو کہ شوہر نے یہ الفاظ طلاق کی نیت سے استعمال کیےہیں تو ان سے ایک طلاق بائن واقع ہوتی ہے اور اگرنہ طلاق کی نیت ہو اور نہ دلالت حال سے یہ معلوم ہو تو پھر اس سے طلاق واقع نہیں ہوتی ہے۔

صورت مسئولہ کے مطابق "زما دہ طرفہ ورپاتی دہ" کے الفاظ کنائی ہیں چنانچہ اگر شوہر نے یہ الفاظ کہتے ہوئے طلاق کی نیت کی ہو یا  وہ حالت اس بات پر دلالت کرتی ہو کہ شوہر کا ان الفاظ سے طلاق کا ارادہ تھا تو اس صورت میں اس سے ایک طلاق بائن واقع ہوئی ہے اور اگر شوہر نے اس سے طلاق کی نیت نہ کی ہو اور نہ ہی دلالت حال سے یہ معلوم  ہو تو اس صورت میں اس سے طلاق واقع نہیں ہوئی ہے اور بیوی بدستور اس کے نکاح میں ہے۔

‌الكنايات (‌لا ‌تطلق ‌بها) قضاء (إلا بنية أو دلالة الحال) وهي حالة مذاكرة الطلاق أو الغضب.(الدر المختار علي صدر رد المحتار،كتاب الطلاق، باب الكنايات، ج:3،ص:296)

وكنايات الطلاق لا يقع بها إلا بنية أو بدلالة الحال، ويقع بائنا إلا اعتدي واستبرئي رحمك وأنت واحدة فيقع بها واحدة رجعي.(الاختيار لتعليل المختار، كتاب الطلاق، فصل في كنايات الطلاق، ج3،ص:132)