واضح رہے کہ شخصی  یا سرکاری ملکیت  کی دکانوں کے اوپرنماز کے لئے جگہ بنانے سے وہ مسجد شرعی نہیں بنتی  بلکہ  اس کا حکم مصلی (عارضی مسجد ) کا ہوتا ہے ،جس  میں نماز باجماعت پڑھنا جائز ہے، لیکن  اس کا ثواب شرعی مسجد جیسا نہیں  ہوگااور نہ ہی اس میں اعتکاف کرنا جائزہے ۔

صورت مسئولہ کے مطابق اگر مذکورہ دکانیں کنٹونمنٹ بورڈ کی ملکیت میں ہیں اورصرف  عارضی ضرورت کی وجہ سے دکانوں کی چھت پر مصلی(عارضی مسجد)تعمیر کرکے نمازوں کی ادائیگی کا سلسلہ شروع ہوگیا ہوتو یہ شرعی مسجد نہیں کہلائے گی بلکہ اس کا حکم  مصلی کا ہے اگرچہ عرصہ  دراز سے اس میں نمازوں کا سلسلہ جاری ہوچنانچہ  سڑک کی توسیع کے لئے کنٹونمنٹ بورڈ   اس عارضی مصلی کو شہید  کرسکتا ہے لیکن بہتر یہ ہے کہ دوسری جگہ متبادل مسجد کا انتظام کیا جائے تاکہ لوگوں کی عبادات میں خلل نہ آئے۔

حاصله إن شرط كونه مسجدا أن يكون سفله وعلوه مسجدا لينقطع حق العبد عنه لقوله تعالى:"وأن المساجد لله تعالى".(البحرا الرائق،الوقف،فصل في أحكام المساجد،ج:5،ص:584)

وإن أمرهم بالصلوة شهرا أو سنة ثم مات يورث عنه لأنه لابد من التأبيد، والتوقيت ينافيه ومقتضى هذا أن لايصير مسجدا فيما إذا أطلق.(فتح القدير،فصل في أحكام المساجد،ج:6،ص:235)

لايصير مسجدا بمجرد البناء مالم يوجد القبض والتسليم،وبالصلاة فيه بجماعة يقع القبض والتسليم بلاخلاف. (تارتاخانية،باب الوقف،ج:8،ص:156)

وإن صلى أحد في البيت بالجماعة لم ينال فضل جماعة المسجد.(رد المحتار على الدر المختار،باب الوتر والنوافل ، ج:2،ص:495)