جب روزہ دار کو پیاس کی  شدت  اتنی زیادہ ہو کہ  اگر اس  کی وجہ سے روزہ نہ توڑا جائے  تو جان جانے یا سخت تکلیف میں پڑجانے کا خطرہ ہو، تو ایسی صورت میں روزہ توڑنے کی گنجائش ہے اور  صرف قضا لازم ہوتی ہے ، کفارہ لازم نہیں ہوتا ،لیکن  اگر پیاس  ایسی  ہو کہ  قابل برداشت ہو   اور پھربھی  روزہ توڑا جائے ، تو ایسی صورت میں قضا اور کفارہ دونوں لازم ہوتے ہیں۔

صورت مسئولہ کے مطابق اگر سائلہ کو قے کی وجہ سے  ناقابل برداشت پیاس لگی تھی تو ایسی صورت میں روزہ توڑنے کی وجہ سے سائلہ  پر کوئی کفارہ واجب نہیں ہوا،صرف اسی  ایک روزے کی قضا  لازم ہے۔

"(ومنها العطش والجوع كذلك) إذا خيف منهما الهلاك أو نقصان العقل كالأمة إذا ضعفت عن العمل وخشيت الهلاك بالصوم، وكذا الذي ذهب به موكل السلطان إلى العمارة في الأيام الحارة إذا خشى الهلاك أو نقصان العقل".(الفتاوى الهندية،كتاب الصوم،الباب الخامس،ج:1،ص:207)