نماز کے لیے بدن اور کپڑوں کا پاک ہونا ضروری ہے۔ خون نجاست غلیظہ ہے اور نجاست غلیظہ اگر بدن یا کپڑے پر قدر درہم سے زائد لگا ہو تو اس کا دھونا لازمی ہے، اور اس کے ساتھ اگر نماز پڑھی جائے تو وہ درست نہیں، اس کا اعادہ کرنا ضروری ہے۔ لیکن اگر قدر درہم سے کم لگا ہوتو اس کے ساتھ نماز کراہت تنریہی کے ساتھ ادا  ہوجائے گی۔ اس صورت میں نماز کے اعادے کی ضرورت نہیں۔

صورت مسئولہ میں اگر بواسیر کا مریض نماز پڑھنے کے بعد کپڑوں پر خون دیکھے لیکن وہ مقدارِ درہم سے کم ہو تو اس کی نماز درست ہے، اعادہ کی ضرورت نہیں۔

تنقسم النجاسة الى قسمين غليظة وخفيفة فالغليظة كالخمر والدم المسفوح ولحم الميتة وإهابها وبول ما لا يؤكل لحمه... وعفي عن قدر الدرهم من المغلظة... إلخ. (مراقي الفلاح شرح نور الإيضاح، ص:65، المكتبة العصرية، بيروت)

(‌وعفا) ‌الشارع (‌عن ‌قدر ‌درهم) وإن كره تحريما، فيجب غسله، وما دونه تنزيها فيسن، وفوقه مبطل فيفرض. (الدر المختار شرح تنوير الأبصار وجامع البحار، ص:47، دار الكتب العلمية، بيروت)