واضح رہے کہ خرید وفروخت کے جائز ہونے کی بنیادی شرطوں میں سے ایک یہ بھی ہے کہ مبیع (جس چیز کو بیچا جارہا ہے )حقیقت میں موجود ہو اور وہ مال متقوم ہو ،محض فرضی چیز نہ ہو،اور خریدنے کے بعد اس پر قبضہ کر کے ہی آگے فروخت کیا جائے ، چنانچہ اگر کوئی چیزموجود نہ ہو یا قبضہ میں نہ ہو تو اس کی بیع جائز  نہیں۔

صورت مسؤلہ کے مطابق مذکورہ ایپ میں جن اشیا کی خرید وفروخت ہو تی ہے  پہلے تو فروخت کنندہ کی ملکیت میں ان اشیا کے موجود ہونے کا کوئی قطعی علم نہیں اور اگرموجود ہوتوقبضہ کیے بغیران کوآگے فروخت کیا جاتا ہے اس لیے شرعاً اس ایپ میں سرما یا کاری کرنا  جائز نہیں ، نیز ظاہری نوعیت کے لحاظ سے یہ ایپ محض ایک فراڈ نظر آرہا ہے اس لیےبہر حال اس سے اجتناب ضروری ہے۔

وشرط المعقود عليه ستة كونه موجودا مالا متقوما مملوكا في نفسه وكون الملك البائع فيما يبيعه لنفسه وكونه مقدور التسليم فلم ينعقد بيع المعدوم وماله خطر العدم۔  (رد المحتار،كتاب البيوع،ج4،ص505)

ومنها وهو شرط انعقاد البيع للبائع أن يكون مملوكا للبائع عندالبيع فإن لم يكن لا ينعقد وإن ملكه بعد ذلك بوجه من الوجوه إلا السلم خاصة وهذا بيع ما ليس عنده. (بدائع الصنائع،ج:5،ص:146)